Instalimet Multimediale

Udhëtoni në Kohë përmes Teknologjisë.

The digitally restored Roman floor mosaic of Tirana shown in ultra-high resolution, its missing tesserae reconstructed.

01 / 04

Restaurimi Digjital i Mozaikëve

Në këtë sit prezantohet për herë të parë restaurimi digjital i dy kryeveprave të trashëgimisë sonë kulturore: Mozaikut të Tiranës dhe Mozaikut të Egzonarteksit nga Bazilika B në qytetin antik të Bylisit. Përmes teknologjisë më të avancuar të fotografisë Gigapixel, çdo pjesë e këtyre strukturave antike u dokumentua me rezolucion ultra të lartë. Për të rikthyer rrëfimin e tyre të plotë vizual, pjesët që mungonin (tesserae) u zëvendësuan dixhitalisht një nga një, duke u rindërtuar me imtësi e saktësi bazuar mbi pjesët origjinale ekzistuese. Ky proces i përsosur teknologjik u mundëson vizitorëve t'i përjetojnë këto kryevepra antike në detaje mahnitëse dhe të pandërprera, duke ju afruar më shumë se kurrë madhështisë së tyre fillestare.

Museum gallery showing information panels and an amphora display in a curved white-walled space.

02 / 04

Rindërtimi 3D i Vilës Romake

Eksploroni evolucionin e këtij siti antik përmes një modeli interaktiv 3D, të realizuar mbi matjet e themeleve ekzistuese. Gjatë kulmit të saj në shekujt III-IV pas Krishtit, kjo vilë romake ndahej në hapësirën luksoze të banimit (pars urbana) dhe atë të prodhimit bujqësor (pars rustica). Përmasat e mëdha të mozaikut të punuar me teknikën opus tessellatum dëshmojnë statusin e lartë të pronarëve, ndërsa vaskat e verës tregojnë një aktivitet të avancuar agrar. Duke naviguar në ekran, ju mund të shihni të gjithë kompleksin origjinal, pjesa më e madhe e të cilit mbetet ende e pagërmuar nën pallatet e qytetit modern.

Bright museum interior with terrazzo flooring, white walls, a curved wooden bench, and stone artefacts on pedestals.

03 / 04

Eksperiencë Interaktive: Lëvizni duart në ajër

Kush thotë se arti nuk mund të preket? Ky instalacion sjell një lojë magjike interaktive, të përshtatshme për fëmijët dhe vizitorët e çdo moshe. Pa e prekur fare ekranin, mjafton të lëvizni duart në ajër për të kapur, zhvendosur dhe fiksuar në vend kubikët e mozaikut antik. Pak histori, pak teknologji dhe pafund argëtim!

Museum wall with framed prints and two stone artefacts mounted on black pedestals against a raw concrete wall.

04 / 04

Dokumentarë në Ekrane

Tre ekrane të dedikuar shfaqin dokumentarë të shkurtër mbi historinë e sitit, procesin e gërmimit dhe punën e restaurimit. Filmat janë realizuar në bashkëpunim me arkeologë, historianë dhe restaurues që kanë punuar drejtpërdrejt në Mozaikun e Tiranës. Të disponueshëm në shqip dhe anglisht me titra, ata ofrojnë një hyrje të thelluar për ata që duan të kuptojnë më shumë.